Joseph Lambert: 'Sena a Otorize Ariel Henry, Chita Pale ak Bayè Fon Entènasyonal yo'

The new President of the Haitian Senate Joseph Lambert

Prezidan Sena Ayisyen an, Senatè Joseph Lambert di l ap kontinye fè konsiltasyon sou baz yon gran asiz ant diferan akò ki genyen yo, ak lòt pati politik ki ka pèmèt yo jwenn yon konsansis politik lajman laj pou rezoud kriz politik ke peyi a ap konfwonte .

Joseph Lambert di Sena a otorize Premye Minis Ariel Henry, chita pale ak bayè de fon entènasyonal yo malgre l gen yon stati premye minis demisyonè.

Prezidan Sena raple ke Dr Ariel Henry, se yon obstak nan pou peyi a kapab jwenn yon Solisyon ak kriz politik la.

Joseph Lambert te reaji tou sou konpòtman polisye yo te genyen ak travayè faktori ki pwodwi tekstil yo ki tap manifeste pou ogmantasyon salè yo, kote yo ap touche 500 goud ($5) pa jou pou 9 èdtan travay e yap mande pou minimòm lan pase 1,500 goud ($15) pa jou.

Polisye yo te sèvi ak gaz lakrimonèn pou pou kraze yon manifestasyon an. Prezidan Sena a pa dakò ak konpòteman polisye yo vizavi anplwaye ouvriye faktori yo kap reklame 1500 goud kòm salè minimòm.

Read More

'Manda PM Ariel Henry pa lye ak 7 Fevriye' Sekretè d'Eta Adjwen Brian Nichols di VOA

 Asistan Sekretè d'Eta Etazini pou Zafè Emisfè Oksidantal la, Brian Nichols.

WASHINGTON — 

Pandan yon kont randi li bay jounalis Ameriken ki kouvri Ayiti yo apremidi a sou sak te diskite nan rankont o somè Kanada oganize sou Ayiti, Sekretè d'Eta Adjwen pou Zafè Emisfè Oksidantal yo, Brian Nichols deklare: "manda premye minis [Ariel Henry] pa lye ak manda prezidan an (7 Fevriye). Sa pèp Ayisyen an vle e espere se pou kontinye fè pwogrè pou ka gen eleksyon ak yon prezidan eli demokratikman. Se sou sa gouvènman an ap travay kounyea. Mwen pa kwè pèp Ayisyen an konsantre'l sou dat 7 Fevriye a."

Anbasadè Nichols fè deklarasyon sa a pou reponn kestyon VOA Kreyol poze li pa rapò ak kè sote Etazini ta genyen pou sa ki ka pase ann Ayiti dat 7 Fevriye kap vini an.

"Lezetazini ak kominote entènasyonal la vle asire ke Polis Nasyonal Ayisyen an pare pou fè fas ak ensekirite a," Nichols di nou. Li ajoute ke gouvènman Ameriken an pral kontinye ede Ayiti ak pèp Ayisyen an.

Etazini se pi gwo donatè peyi d'Ayiti, e administrasyon Biden nan pran angajman pou apiye jefo Ayisyen ap fè pou jwenn yon solisyon pou kriz politik la ak lot pwoblem kap trakase peyi a.

Nichols di Etazini pa vle enpoze yon solisyon li ta pito apiye e ankouraje Ayisyen ak diaspora a kole tèt ansanm pou jwenn pwop solisyon pa yo.

Read More

Ayiti ap Chache Nonmen yon 3e Jij pou Jere Dosye Asasina Moise la

 Yon moun kenbe yon foto defen Prezidan Ayisyen Jovenel Moise pandan yon seremoni nan mize Panteyon Nasyonal la nan Potoprens, 20 Jiye, 2021.

Jij Chavannes Etienne di fanmi li mete presyon sou li pou'l pa aksepte pòs la

Nouvo jij Ayisyen yo chwazi pou jere dosye asasina Prezidan Jovenel Moise la di Associated Press li poko deside si li pral aksepte paske dosye sa taka mete lavi'l an danje.

Jij Chavannes Etienne di fanmi li mete presyon sou li pou'l pa aksepte pòs la akoz yo gen kè sote pou moun pa eseye touye'l. Si li aksepte pòs la, li tap 3èm jij ki prezide ka sa a.

Li poko klè si Etienne gen yon dat limit pou'l bay repons li. Misye te jere ankèt sou masak Novanm 2018 la nan La Saline.

Majistra Bernard Saint-Vil, dwayen Tribinal Premye Enstans Pòtoprens la di AP li chwazi Etienne men li derefize fè plis kòmantè sou koze a, nan moman gen kè sote kòm kwa seri jij ki prezide ka a lakòz pwosesis jidisyè a ap trennen.

Jij Garry Orelien te prezide dosye a anvan sa, men li te bay demisyon ni sa pa gen lontan akoz akizasyon koripsyon. Orelien demanti akizasyon sa yo. Li te mande tou, plis tan pou'l mennen ankèt sou asasina 7 Jiyè a, men Saint-Vil derefize aksepte.

Orelien te monte nan pòs la apre yon lòt jij te demisyonen nan mwad Out la. Li te site rezon pèsonèl pou desizyon sa a, apre youn nan asistan li yo te mouri nan sikonsans ki pa finn klè.

La jistis Ayisyen arete plis pase 40 moun an koneksyon ak asasina Moise la nan rezidans prive li. Pami yo gen ansyen manm Polis Nasyonal, yon ex-senatè ak 18 ex solda Kolonbyen. Majorite Kolonbyen yo di yo pran nan pyèj.

Gen 2 lòt sispèk Etazini ekstrade resaman, an palan de Rodolphe Jaar epi Mario Palacios, yon ex-solda Kolonbyen ke Jamayik te arete nan mwad Ok

Read More